|
Остави светло на патот
по кој сакаш да тргнеш
помогни ми кога сонувам
да можам да ти дојдам
среќен и насмеан
Подигни ги рацете и исправено
тргни во белиот храм
и тивко речи им на сите дека
ќе останеш дете меѓу ангелите.
А јас?
Бог нека ми ги отвори очите
небото нека ми го засили слухот
да те слушнам и да те видам
во секој сон.
А ти?
Бог нека ти подари крилја
небото нека ти подари спас
да пееш, да им пееш на сите
засекогаш да го слушаат
твојот глас.
Оваа земја те сака
и ги чува спомените на
деновите кога беше тука
а драгите луѓе те носат
како вечна рана.
А таа?
Лежи на перницата.
Гледа во небото
ги склопува рацете и ги крие
солзите зашто не си со неа
додека леташ со ангелите.
(Песната е напишана по смртта на Тоше)
|
