|
Струмичката група Пицикато својот 18 роденден ќе го прослави со нов албум на кој ќе се најдат 10 стари македонски песни со нови аранжмани и во интерпретација на Верица Русева која речиси една година е дел од групата. Комплетниот материјал е снимен во студиото 202 под продуцентската палка на Горан Кукиќ. На албумот кој најверојатно ќе биде насловен ,,Староградски песни - полнолетство" ќе се најдат македонските бисери: Шеќерна, Лилјано моме убаво, Сум прошетал мори Ѓурѓо, Доста, доста лично бре Стојне, Ах мори бабо, стара бабо, Среќата со пари не се купува... Материјалот веќе е во завршна фаза и доколку се оди по планот треба да биде готов до крајот на мај кога Верица Русева и Пицикато ги очекува и јубилејното издание на Валандовскиот фестивал на кој ќе настапат со песна на Орце Зафировски. Паралелно со фестивалските подготовки течат и подготовките за снимањето на спотот за валандовската песна.
Од Пицикато за оваа година, во која го слават својот 18 роденден, најавуваат уште неколку изненадувања за нивната публика, а за што конкретно се работи велат дека ќе информираат тогаш кога за тоа ќе дојде време.
|
