|
Групата "Соната" го промовираше новиот албум "По трагите на песната", кое е продолжеток на чалгиската традиција. Оваа велешка група со цедето претставува дел од богатата музичко-фолклорна традиција на градот испејано или исвирено преку членовите, Катерина Брезева - вокал, Никола Димовски - бас гитара, Тони Нанев - тапани, Трајче Бондиќов - клавијатури и Раде Митревски - дувачки инструменти. Зад себе имаат 10 новокомпонирани песни, 10 обработки на стари велешки песни и едно оро.
Уште со првите акорди се препознава велешката староградска музичка традиција. Песните како: "Болен ми лежи Миле Поп Јорданов", "Во Влашкото маало", "Ајде, ајде, моме Стојне", "Се посврши сербез Донка","Што ми е мило, мило ем драго", "Што ми е мило ем драго на Којник дуќан да имам", "Што убаво одат велешките моми".., се антологиско навраќање на најомилените "топ 10", за кои на многумина не им е позната нивната велешка провиниенција. Од издавчката куќа "Мистер компани" велат дека со издавањето на ова ДВД и ЦД се нуди можност уште повеќе да се запознае со убавините на македонската народна песна, на богата музичко-фолклорна традиција на Велес, но овојпат на современ носач на звук и слика.
|
