|
Светски познатиот Фестивал на народни инструменти и песни „Пеце Атанасоски“, што традиционално се одржува во прилепското село Долнени, ќе се одржи во јули.
- Како најава на фестивалот ќе биде концертот на КУД „Бисер“ од Кичево, што ќе се одржи денеска. Промената на терминот се должи на барањата на учесниците. Така, гајдаџиите, тапанџиите, кавалџиите, тамбурашите и другите инструменталисти и пејачи на народни песни и инструменти ќе се зберат на Рудина во Долнени од 1 до 4 јули. Оваа манифестација е голем поддржувач на идејата за негување и чување на традиционалната свирка на народните инструменти - вели Весна Вучиќ, директор на Фестивалот.
Во јули ќе се изведат и симпозиум на тема за зачувување на традицијата и работилници за изработка на инструменти.
Фестивалот годинава ќе се организира со финансиска помош од Министерството за култура.
|
